Netflix煲劇可能係好多人假日的活動之一，不過Netflix有好多電影同劇集都係見仁見智，講得上出色甚至有能力列入經典的十隻手指數得出，當中好多朋友相當深印像有一部介乎神劇同出色為間的係驚悚劇作《安眠書店》，昨晚12月26拆禮物日，就已經上架最新一季，有追開變態殺手情人Joe的你應忍唔住繼續新一季，今次轉地點搬屋想重過新生，但就遇上新歡同更恐怖的「舊愛」，上季尾殺出來的舊情人Candace，變態佬都有舊愛傷痕，呢位半斤八兩舊菜肯定更加變態....如果你連第一季都無睇過，推薦你睇下呢套Netflix新經典之作《安眠書店》1同2，內容就都係靚仔情人主角愛情故事，變控制狂甚至移除女人身邊的人來保護呢段關系...真心幾好睇.....只要現實唔好遇到呢種人！

第二季新預告

補回第一季預告比未睇過的新朋友

10月時 Netflix曾經公佈2019年十大最受歡迎原創劇集， 當中排第四嘅就係呢一套《安眠書店》‘You’， 實際上有睇過朋友都知道此劇榮登最受歡迎之列係實至名歸， 點擊率總共有四千萬觀看人次，數字上相當強勁。其實第一季安眠書店推出至今未夠一年，呢位對愛情充滿偏執洞察力強大的型男大獲好評，第二季係好多人期待之作，一季十集相信兩個假日正好煲夠。

今季開始係男主角Joe搬到洛杉磯展開新生活，仲有左新女對象，叫Love Quinn，有新歡(點解D壞男人咁多人愛！？)究竟這次係唔係可以改過自身，過正常愛情生活還是更加喪心病狂呢？同一條橋對聖鬥士係無用，所以相信新季度會有新事物發生，而根據早前劇組的講法，第二季主力在於深度了解男主角的內心世界，去了解同解釋點解呢條友咁樣，羅馬唔會一天建成，變態佬都唔係一朝練成，背後那位曾經傷得更深的前度又或者個人背景就肯定是關鍵，而「迷」團從來都是自己走入去拆開來睇才最過癮。 

在 Instagram 查看這則帖子

december 26. it’s a date.

YOU（@younetflix）分享的帖子 於 PST 2018 年 12月 月 17 日 11:57 上午 發佈

簡介一下比未睇過朋友，《安眠書店》是一部心理驚悚犯罪類型電視劇，描述作為書店經理的男主角Joe，對前來購書的女主角貝可一見鐘情，男主角利用社群平台監視女主角的生活狀態，不但潛入貝可的房間，拿走她的底褲，還躲在大廈對面偷窺貝可與其他男人歡愛，更可怕的是，看似無害的Joe一步步有計劃地消除兩人之間感情發展的任何障礙，讓原本浪漫的邂逅轉變成恐怖的現代跟蹤狂追愛行動。

此劇反映好多現代人係社交媒體的活動同玩法，現代人煲Netflix也是其中一種新世代嘅模式， 昨日才上架的新劇，可能大家已經嫌我Out，因為好多已經煲完， 呢個世代速度就係王道，快就是世代的名詞，連假期都唔能夠慢慢來。