香港反送中運動自今年6月起越熱越烈，由本來只係單純香港呢個城市嘅事，慢慢發展成國際層面，並成為為自由而戰嘅全球活動。而作為標榜民主自由嘅美國，其副總統彭斯較早前發表講話，表示美國會支持香港，並點名批評國際運動品牌Nike及NBA無視人權自由。

彭斯面向記者公開發言聲援香港：「香港係中國與世界嘅重要窗口，喺過去150年來，香港都係世界最自由嘅經濟體系，有強大嘅獨立法律機構及新聞自由，亦都係數十萬外國居民嘅家。而香港亦都係一個實例，就係如果中國擁抱自由就會變成咩模樣。」

「中國過去幾年不斷削減香港人民嘅權利及自由，而美國會與香港站在一起。」

另外，彭斯亦點名批評運動巨頭Nike，指對方標榜社會正義，但當提及現時香港嘅香港，卻會選擇莫視良知。另外佢地亦因為火箭總經理嘅7個字「Fight for freedom, stand with Hong Kong」就將火箭隊嘅商品下架，加入中國政府嘅抵制行動，這一切都唔係美國嘅核心價值。

而有總裁支持言論自由嘅NBA，亦有部份球員及球隊班主被彭斯指責，認為佢地面對美國就識大大聲批評，但面對中國或其他國家時就無聲出，令呢個世界級聯賽就好似變成中國共產黨嘅子公司一樣。