Netflix面對11月開台有如洪水犯獸的迪士尼Plus串流平台，自身總要積極備戰開源節流，不過節流之法之一來自對用戶的使用方式進行監管，日後將會嚴防共用帳號一費多方使用的情況，以保障Netflix的財政權益。不過如何執行可以有效設限而非管制就相當高難度，很可能從IP方面去入手，當然其實我們都應當同意，正當享受串流媒體煲劇係需要比錢，呢點應該不存在歪理！除左節流Netflix都有好多積極的開源方式，例如重視亞洲本地市場的自家新劇和係香港推出便利店預付卡比無信用卡的青年劇迷增值上台…個人意見Netflix堅持不盲目擴張中國市場可能就是最值得支持的串流媒體平台，呢幾十蚊月費我畀！

Netflix開源還將大開日本動漫，剛推出《攻殼機動隊：SAC_2045》| 前導預告

對Netflix財政上其中一個大打擊係全球好多人都係一個帳戶全家甚至朋友們相互共享，正如酒店「屈蛇」式玩法，Netflix從前隻眼開隻眼閉，唯實際上唔代表咁樣玩法道德上合理，故Netflix將會設限或適當管制，聽落都係合情合理。

Netflix近年來為香港人帶來的除左係一種全新的煲劇方式，還有改變大眾對香港公營電視台的依賴，起碼近期Netflix都開始拍華語劇集，如果有得揀可能我揀睇Netflix都唔睇大台的外購劇集(不過我是支持大台自家出品香港製作的電視劇！)

11月將至，Netflix重點打響頭砲將會係自家創作的華語新劇，第一波上架係張孝全及賈靜雯主演的《罪夢者》，慢慢就看看Netflix係節流以外，以亞洲自家創作劇開源的新方式，Netlifx到底可以拍出點樣質素的華語劇，可唔可以同《我們與惡的距離》相比呢？

反正誰不盲目跪下亂入中國市場，有創意有實力，就該撐誰，月費就是值畀，就算無信月卡，而家都可以落7-11 或 Circle K買預付卡，用錢支持，不過我都係合理地撐，當有一日Netflix無法再推出好睇具質素的新劇作時，就讓它和本地無競爭力的電視台一樣，執「實」左佢算吧！