由NBA火箭總經理Morey引爆嘅國際問題，至今仍然未有退卻嘅跡象，繼James Harden先道歉，後支持言論自由，再到LeBron James聲言叫Morey自了解事件，作為NBA總裁嘅Adam Silver則公開撐Morey擁有言論自由。而中國方面則全面聲討Morey，要求NBA解僱呢位最佳總經理。

對於中方嘅要求，Silver較早前公開表態，示意絕對唔會應中方嘅要求解僱Morey，甚至連懲罰佢嘅行動都唔會有，因為NBA嘅基本價值同美國嘅價值一樣，就係支持言論自由。

不過，Silver卻表示Morey嘅言論確實做成巨大嘅經濟損失:「(NBA)經濟損失已經相當巨大了，在我們仍在聊天嘅同時，NBA還沒有在中國恢復播出，讓我們拭目以待吧！」

當然，Silver嘅擔心係確確實實的，因為唔少原來嘅贊助商已經宣佈終止合作，特別係火箭隊。不過，好似騰似較早前高調宣佈停播NBA嘅季前賽，但只係一個星期已經低調再次恢復網上直播，所以Silver真係唔使太擔心，因為唔能夠與NBA合作，對方嘅損失可能更加巨大。