《新世紀福音戰士》呢套動畫，雖然劇情上並唔係咁容易參透，但卻無阻佢成為神作之一，世界各地擁有非常多嘅Fans。而其中台灣即將有幸成為《新世紀福音戰士》首個官方海外商店登陸嘅地方，各位Fans如果去開台灣絕對要朝聖一下。

自10月中起，《新世紀福音戰士》海外官方商店「EVANGELION STORE」正式喺蝦皮商城(https://shopee.tw/m/evangelion)開幕，商城由BeeCruise・Shopee Taiwan主辦、EVANGELION STORE擔任企劃協力，而官方亦將會由10月26日起，一連五天於台北三創生活園區舉辦「新世紀福音戰士祭典-人類蝦拼計畫-」。

是次於台北三創生活園區舉行嘅官方活動，將會為一眾Fans帶來一系列日本限定商品，當中包括家庭用品、單車、服飾等，並同時會於場地展出作品嘅插畫及動畫原稿複製品，當然唔少得一眾角色嘅模型及供打卡嘅場景。