「飛雲機會黎啦！」一聽就知係《魔神英雄傳》主角飛雲出絕招「登龍劍」之前嘅對白，呢套經典動畫自1988年至今已經推出超過30年，而日前動畫公司宣佈將會推出《魔神英雄傳》全新作品「七魂的龍神丸」，並預計於2020年首季登場播放！

目前對於新作仍然未有太多資料，唯一有嘅就係一張動畫嘅宣傳海報，背景為創界山，並且可以睇到龍神丸嘅新型態，主要係一部我地特首喜歡天藍色為主嘅魔神機體，背後配有招牌嘅長劍，而較為突出嘅就係其頭上嘅長角。

另外，從海報中可以睇到另外6部魔神嘅黑影，相信喺未來嘅日子會陸逐公佈，預計應該會有戰神丸、邪虎丸、鳥神丸等嘅重要機體新型態。

《魔神英雄傳》講述主角飛雲從現實世界被召喚到創界山等異世界，並成為當中嘅救世主，期間會以龍神丸不同型態與敵人作戰，最終拯救異世界。