Marvel復仇者的終局之戰年中已經完結，幾位主角好友當然想繼續共同發展，尤其係已離隊Marvel MCU的美國隊長Chris Evans、鐵甲奇俠Robert Downey Jr，連同剛休養完咩都接來做的雷神奇俠Chris Hemsworth，打算三人一組重啟拍攝80年代尾經典搞笑「膠」劇電影《神勇三蛟龍Three Amigos》，或者你未睇過，神勇三蛟龍係講三個無聲電影喜劇演員被墨西哥一條村村民邀請剷除鎮上匪徒狂歡三寶式故事，在識唱歌的灌木叢和一個盲劍客的幫助下，佢地誤打誤撞成為了「成龍」式英雄，睇來好適合呢三兜友的發揮。

事源Chris Evan在 ACE 動漫展上率先表態指「對於《終局之戰》的結束感到難過，於是諗『我們仲可唔可以一齊出去玩呢？』於是我立刻開始諗『我們仲可以做咩野，不如重啟《神勇三蛟龍》(Three Amigos) 或者其他的電影啊。」於是乎三位Marvel的英雄好漢就開始朝住成為《神勇三蛟龍》而努力進發。

《神勇三蛟龍Three Amigos》係1986年幽默電影由John Landis 執導，由Steve Martin,Chevy Chase、Martin Short 三位主演。故事描述三位無聲電影時代的西部牛仔電影演員，因緣際會之下被墨西哥村民請到鎮上幫助消滅賊匪，而係一個會唱歌的灌木叢以及盲劍客的幫助之下，三人莫名其妙地成為英雄。電影靈感來自 1960 年代的《豪勇七蛟龍》(The Magnificent Seven) 。這部電影從未有過續集以及重啟。睇嚟呢條「屎橋」有得做！特別係呢三位深入民心的笑匠齊演喜劇電影入面的「假英雄」，唔知算唔算爆笑期待度十足。

暫時拍唔拍得成《神勇三蛟龍》(Three Amigos)就未知，不過Chris Evans, Robert Downey Jr, Chris Hemsworth三個Marvel巨星近期都有新作上映，相信會擺脫故有Marvel英雄形象，大家如果好有興趣睇佢地變身三個「蛟龍」搞下笑，可能都要等到2021年之後