中國游泳奧運冠軍孫楊，去年因涉嫌拒絕藥檢違反禁藥條例，本來於今年9月舉行聽證會，但最終其中一方要求延期，最終決定於下月中展開聽證會，並設立公眾旁聽。

作為奧運冠軍，孫楊喺去年一次賽外藥檢中，因拒絕提交尿液樣本，並被指要求保鑣打爛存有樣本嘅玻璃瓶，因此國際泳聯向孫楊提出制裁，但其後獨立調查委員會卻指孫楊並無違規，而世界反禁藥組織對獨立調查委員會嘅決定提出上訴，最終由國際體育仲裁法庭處理有關事件。

最新消息指，下月舉行嘅聽證會將於15號舉行，屆時將容許200名市民旁聽結果。對於呢個安排，孫楊表示樂於見到，因為佢想喺世人面前展示自己嘅清白，然後自己可以專心再次投入游泳當中。

就孫楊禁藥問題，多位不同國家嘅游泳選手較早前於比賽中都不希望與孫楊有交集，其中包括不同台接受獎項及拍照，而呢個行為曾令孫楊非常不滿，從而被拍到向對手說出”You are loser, I am a winner.”

而聽證會嘅結果，將大大影響孫楊嘅前途，因為如果最終裁決為孫楊違規，咁樣佢就可能會被終身停賽了。