無線耳機緊要定無線喇叭好用？爭咩呀？溝埋做瀨尿牛丸呀！笨！真係有外國創意商家成功將自己平平無奇的真無線耳機溝埋做連盒真無線耳機兼無線喇叭，Vissiles十月推出一個新款產品，成功將兩個無咩特別的產業結合成非常特別的2合一產品The Music Pill，取出兩粒入耳就做耳機，放低入盒就做喇叭。就係咁簡單？創意有時就係咁輕易，重點係做第一個。

首先，Vissiles係一個全新的品牌，大概可以話係一個雜牌，產地同背景不明，不過一個彈出來就一鳴驚人，因為佢成為全球第一間自稱2合1的The Music Pill無線耳機無線喇叭。佢係一對真無線耳機有降噪功能，外型同規格都同市面上見到的真無線耳機大同小異完全唔見有特別，特別在於其耳機盒，比正常大得多，本身充電盒設計成可以獨立作藍芽喇叭使用，並通過機能，當你聽緊喇叭時拉出帶上耳機就可聽耳機音樂，放低耳機又變返做喇叭播放，非常有趣。

暫時Vissiles咁推出網頁宣傳，但成功引起全球耳機迷的注意，相信佢地好快就全推出類似眾籌活動，現今係佢地網站上面登記，據稱就可以低於半價45%預購，但其實到底賣幾錢都未知，只知其概念和規格, Vissles的功能就係可以下從耳機到喇叭輕鬆切換播放用，耳機細小重95克，可玩4小時同耳機盒，採用3W喇叭單元，可發出響亮的聲音和深沉的低音

大家大可以食花生等佢推出市場，或轉轉動動腦筋諗下仲有咩野創意可以結合原本已經有的野，成為新的產品搶先包裝推出市場。