大部份藝術品對於唔少人嘅認知，都係需要創作者離世後才會非常值錢。不過當中亦都有例外的，其中日本神級藝術家奈良美智就喺仍然在世下，其作品價值極高。

日前，喺蘇富比拍賣會當中，就有一張香港匯豐銀行印製嘅$100蚊紙出現供現場人士拍賣。原來呢張100蚊紙上面，有奈良美智當時即席揮毫嘅畫作，佢將原來在紙幣上嘅石獅子加工，另外亦有畫上其招牌公仔。

最終，呢張100蚊紙以36萬港元完成指賣，加上佣金最終拍賣以45萬港元拍出，亦即係話呢張被加工嘅100蚊紙升值達到4500倍！！

原本蘇富比方面認為呢張100蚊紙大慨成交價應該在3萬至4萬元左右，但似乎完全低估左奈良美智嘅影響力。要知道奈良美智較早前一幅畫布作品《背後藏刀》，由原來起拍價4000萬港元，最終竟以1.96億港元拍出，實在誇張得令人難以置信。