{ SKIP }
文:MenClub 波特先生  圖:互聯網
POSTED ON 08 Oct 2019

NBA作為全球最受歡迎嘅籃球聯賽,其品牌價值絕對係價值不菲,而當中不少球隊老闆都因為球隊不斷升值而獲得更多收益。不過,即使同為NBA球隊嘅30位老闆,佢地各自嘅身家其實亦有不少差距。

根據《福布斯》最新公佈嘅2019年全美最富有球隊老闆排行名單,快艇老闆Steve Ballmer排名第一,其身家達到517億美元。而排名第二位嘅係NFL黑豹隊嘅老闆David Tepper,其身家為120億美元,亦即係話Ballmer嘅身家足足比排名第二位嘅Tepper多出超過4倍!

而如果係NBA中嘅老闆,排名第二位嘅係金塊老闆Ann Walton Kroenke,其身家為97億美元。不過,由於今次名單中只係計算美藉球隊嘅老闆,所以剛剛收購左籃網嘅蔡崇信則並無入選。

相信唔少人都知道,作為前微軟CEO嘅Ballmer坐擁嘅身家極豐厚,甚至排名係全球最有錢人士嘅前20位。但究竟即係幾有錢?原來據統計,NBA所有球隊加起來嘅總價值為560億美元,減去快艇隊,擁有517億美元身家嘅Ballmer,實際上係可以以一人之力買起整個NBA!

如果黎緊新一季,快艇喺Kawhi Leonard及Paul George嘅帶領下能夠取得好成績,甚至挑戰總冠軍,相信Ballmer嘅身家將會有增無減,實在係有錢得恐佈!

預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025