{ SKIP }
文:MenClub 波特先生  圖:互聯網
POSTED ON 04 Oct 2019

「所有火焰都會為左我呢隻手而燃燒!更加為可以將你打敗而歡呼喝采!爆熱神掌!」相信有睇過呢套高達動畫《機動武鬥傳》嘅朋友一定唔會對以上嘅對白感到陌生,因為佢就係由主角杜門卡遜使出絕招「爆熱神掌」前會講嘅說話。

雖然《機動武鬥傳》作為高達動漫中較為異類嘅存在,但由於故事充滿香港特色,所以特別受香港高達Fans喜愛,而其中主角杜門就更加令人感受到熱血嘅情懷。

而日前Megahouse就宣佈將會推出全新嘅杜門卡遜Figure,比例為1/8。可以見到今次呢個杜門披住紅色披風,手執日本武士刀,而其右手手背上亦有作為「紅心King」嘅紋章,絕對係型到爆!預計2020年3月正式發售。

作為故事入面最強嘅「紅心King」駕駛員,杜門師承前新香港代表「紅心King」東方不敗,因此習得最強奧義石破天驚拳,而佢喺故事前半段駕駛嘅高達為閃光高達,而後半段則駕駛神高達。

終於發現打破循環嘅方法?
hobby
最後循環完結 Netlfix 《Dark》最後一季預告公開
27 May 2020
要班人去玩啲本身設計出黎就係令人尖叫嘅設施時唔可以尖叫,好似又有啲強人所難喎。
hobby
日本遊樂場協會新指引 玩機動遊戲唔準叫!
27 May 2020