亂太郎、小丸、新丁，相信只要一提呢三個名字，唔少朋友都一定知道係講緊邊一套漫畫/動畫。而呢套為人熟悉嘅動漫，原來至今仍然連載當中，但黎緊11月將會迎來完結篇，相信一班Fans絕對會相當不捨。

據消息指，《忍者亂太郎》將於今年11月30日正式迎來單行本最後一期 - 第65卷，亦代表住其最後一話。

《忍者亂太郎》自 1986年開始出現喺朝日小學生報紙上，並以季節限定形式進行每日連載。其後於1993年起推出電視動畫，其後亦有劇場版動畫、真人版電影，甚至音樂劇等等，係不少人非常喜愛嘅長青動漫。

不過，由於作者尼子騒兵衛(Soubee Amako)於今年1月份腦中風，令佢難以繼續進行每天連載，因此官方尊重尼子騒兵衛嘅身體情況，決定讓《忍者亂太郎》步向完結。

見《忍者亂太郎》即將迎來完結，大家一齊重溫一下主題曲《勇氣100%》：「用100%的勇氣 現在能做到的只有努力...」