你想唔想有個語音管家可以幫到你，我地講廣東話機會就未到，不過如果你係英文人Amazon Alexa語音助手應該就係最完美的幫助，尤其Amazon係美國開始推出名人語音包，第一波搵到神盾局局長森姆·積遜，以後問路問天氣膠噏都可以有局長定《異能三》玻璃先生同你吹水，唔知佢會唔會忽然大講「MotherFxxxker」，當然你要先用到Amazon Alexa，仲要肯比0.99 美元買森姆·積遜語音包，順便推薦話你聽，Amazon仲推出左第三代Echo 智慧型喇叭，如果香港都快D引入粵語搵下名人加埋語音包，我好想轉會用Amazon。

Amazon 推出搭載 Alexa 的智慧型喇叭，已經有5年的歷史，係歐美成功將智慧型喇叭融入家居，如今應該已成為美國家庭必不可少的家庭生活用品，無他除左方便多元的功能，又平又親民的價格，加上超多唔同的功能(加埋可下載8萬種唔同功能)，可連接聯控4千件唔同的設備，其實我唔太明點解香港咁耐都未有得玩真正有靈魂有廣東話的語音助手。

講講最新推出的喇叭第三代的 Echo 擁有全新的外觀設計，備有四種唔同顏色供消費者選擇，主體包裹編織物，分別提供木炭、灰色、砂岩及藍色等不同設計風格。第三代 Echo 採用同 Echo Plus（第二代）相同的音響架構，聲音肯定唔係Highend級但每一代的確有改進增強，內置 3 英寸低音單元，據稱除增強低音表現之外，重播時中高音域亦獲得更佳的效果。

隨著智慧型喇叭日漸普及，同時廠方不斷改善 Alexa的 能力，相關技術亦越來越成熟，作為先軀的 Echo 智慧型喇叭並沒被遺棄，而是持續在重播品質上進化，相信在未來日子中 Echo 還會持續活躍。當然就算唔用全新第三代 Echo喇叭，任何支援Amazon Alexa的都可以玩局長的語音包。

喇叭只是硬件，一件硬件無左軟件自然無法流行，因此咁多年香港都未興，Amazon Alexa快快來香港搞搞，有得做，講返神盾局局長森姆·積遜個語音包，採取左 Amazon 最新神經網路文字轉語音（Neural Text-to-Speech Software, NTTS）軟體，簡單來講Alexa 除左播放森姆·積遜預先錄好的語音句字，還能透過 AI 深度學習，模仿他的語音，讓系統看來更加人性化。即係無論講咩野，都可以做到森姆·積遜把聲同語調。

Amazon 之後已經預定會有更多名人加入錄製，我忽然想聽到香港耳熟能詳的聲音成為我的管家，例如「Do」姐、金句天皇、甚至安德尊大王，不過先同我搞掂將廣東話Amazon Alexa變流行先啦，唔該