尋晚英聯賽盃第三圈繼續上演，其中曼聯對上嘅係英甲球隊羅奇代爾，當眾人都以為曼聯可以迎來一場大勝來一洗頹勢，但結果卻差點與熱刺命運相同...

面對羅奇代爾，曼聯領隊蘇斯克查並沒有怠慢，佢派出嘅正選陣容仍然有普巴、連加特、費特、鍾斯等等。但面對羅奇代爾嘅鐵桶防守，曼聯卻毫無辦法，其中上半場16次起腳射門卻沒有帶來一個入球。

下半場，曼聯終於成功憑住17歲射手格連活特，以左腳地波破網，為曼聯帶來領先。不過隔左唔係好耐，羅奇代爾憑住只有16歲嘅年輕球員馬菲遜近門撞射，成功扳成平手。對於羅奇代爾黎講，能夠喺曼聯身上入波已經開心到痴線，更何況入波嘅只係一名16歲少年，實在令人拍案叫絕。

最終，雖然羅奇代爾未能喺互射12碼中擊敗曼聯，但佢地今場嘅表現已經足夠載入佢地嘅球員歷史中。而曼聯雖然成功晉級，但賽後被外界一致批評，其中領隊蘇B則被球迷大呼下台，睇黎如今嘅蘇B如同當年嘅摩連奴一樣失去光環，唔知一班魔迷會唔會後悔摩佬當日被辭退呢？