{ SKIP }
文:MenClub 波特先生  圖:互聯網
POSTED ON 16 Sep 2019

今年嘅上海大師賽,與往年一樣已經唔再算係排名賽之一,但係「火箭」奧蘇利雲仍然繼續連續第四年參加。作為對上兩屆賽事嘅冠軍,「火箭」當然被評為最大熱門,而結果與預測一樣,呢位目前世界排名第二嘅傳奇級球手再一次打入決賽。

再一次打入上海大師賽決賽嘅「火箭」,已經係連續第三年殺入呢項賽事嘅決賽,而上兩次最終佢都成功奪冠而回。不過今次有點不同嘅係,決賽嘅對手由上年嘅鶴健士變成今年嘅梅菲,但對於「火箭」黎講都係老對手。

而21局11勝嘅決賽一開始,梅菲就佔盡優勢,有點估佢唔到下連贏三局,一口氣領先3:0。不過「火箭」有咩大場面未見過,佢好快調整狀態,並不費足灰之力連贏4局反超前。其後雙方互有攻守下,局數打至7:6梅菲領先。

正以為梅菲有優勢嘅情況下,「火箭」開始進入暴走狀態,連續打出高度數下再次連贏4局,其中包括兩局打出130:0。被「火箭」以10:7領先嘅情況下,背水一戰嘅梅菲咬緊牙關追番兩局,但去到第20局「火箭」成功把握機會,贏埋呢局成功以11:9擊敗對手,連續第三年奪得上海大師賽冠軍。

其實睇番「火箭」近年都好鍾意揀比賽黎打,但點解咁鍾意參加上海大師賽呢?原來係因為呢項賽事係中國賽事當中安排好的,無論係住宿、飲食、比賽場地等都係國內最頂級的,因此吸引「火箭」經常參加,並且喺美好嘅環境下多次取得佳績。

如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025