動畫Pokemon寵物小精靈(唔知咩係寶可夢)由1997年起至今一直都播放中，而主角小智經歷左幾代小精靈仍然係故事主角。不過，呢位一直擁有「最強」小精靈比卡超嘅訓練員，卻從未拎過冠軍，實在令唔少Fans感到難以接受。

而黎到最新一集動畫，小智終於如願以償，雖然「最強」嘅比卡超與敵人雙雙暈倒打成平手，但其後嘅鬃岩狼人(黃昏的樣子)與對方鬃岩狼人(黑夜的樣子)激戰下，帶點幸運嘅情況下擊敗對手，最終助小智歷史首次贏得聯盟初代冠軍！

今次係小智喺故事歷史上首次贏得聯盟冠軍，雖然如今嘅故事已經再唔係以往最開始打道館贏徽章，但能夠贏得冠軍都係各大Fans期待以久嘅事，所以作為故事嘅製作人亦忍不住喺Twitter上恭喜小智，要知道呢個歷程實在有夠耐啦，人生有幾多個22年呀？！

#サトシ優勝おめでとう#グラジオ との激闘を制し、念願の #アローラポケモンリーグ 初代チャンピオンに

仲間の #ポケモン たちとの強い絆が生んだ、劇的な勝利でした

日曜18時は #アニポケ ！https://t.co/z2NBL1Y4ju pic.twitter.com/GqbndMh1yp

— 【公式】ポケモン情報局 (@poke_times) September 15, 2019