英國KEF近年簡化左產品線，以科技加上入屋的設計專攻年輕的消費者，無論係二聲道定家庭影院都收獲一大班支持者，早前大賣的LS50到LSX喇叭功能聲效實力都係業界前列，今期KEF主力攻家庭影院中最核心的項目，超低音喇叭，一個家庭影院能否做到逼真劇院級聲效主要就係睇個超低音喇叭的實力，全新KF92就係用科技去補足呢個位，將細小「入屋」簡單卻非常澎湃的超低音輕鬆放入家居。

如果你屋企唔大想要簡單易擺的超低音但又有要求，追求強大的低音，咁就要睇睇全新KEF 92。KF92雖然迷你但擁有令人難以置信的1000瓦功率，睇戲打機肯定砲聲隆隆。

KF92使用的係同廠R系列的相同低音單元，R系列係國際獲獎無數，呢次KF92使用兩個量身訂製的 9 吋 KEF 低音傳感器(單元)，採用混合鋁合金／紙質構成錐體，相對巨大的馬達系統，音圈及覆面廣大的通風能力，提供極低的失真和極高的準確度，就算音量再大，每個低音仍然清晰可辨。

KF92 一如之前LS50同LSX喇叭的成功，除左傳統設計玩法，還應用全新的科技，來自KEF 在數碼音訊處理的專利技術「Music Integrity Engine 」。透過智慧型低音延展技術，為擴音機、驅動單體和箱體之間搵到最佳平衡點，同時提供依配置而定的 EQ 效果，可無縫融入任何空間。相信對比起舊式強大超低音，科技減少左好多調較上的不確定性，讓家庭影院的調聲可以更輕易玩出好聲，唔怕不平衡的局面。

KF92 內置1000W Class-D 擴大機（每個驅動單體內 2 x 500W）可以產生巨大的功率，而功率大的好處是提供驚人的控制力，提升時序準確度和動態回應能力，打造更細膩的音效呈現，宛如身處錄音室現場。不過唔好忘記，佢的體績係非常輕巧細微，安排放置輕鬆自如。

講到咁好，大家記得係佢上市時去試試，如果你考慮緊最高級的超低音卻又想要最細小的低音喇叭，呢個值得一試，不過要11月先上市，據聞售價係2000英鎊