MARVEL 的復仇者聯盟 ENDGAME左幾個月，但Marvel點會放過呢隻金蛋，下年2020年5月即將會推出一部遊戲大作《Marvel's Avengers》，遊戲早前已釋出過預告，將會明年登陸PS4、 Xbox One、PC和谷歌Stadia平台。就咁出隻game雖然製作強大，遊戲有好似電影咁的畫面同劇情，不過係Marvel的商業大計中，佢地有一條龍的商業玩法加強效益，就係為遊戲推出全新的漫畫作品去支撐和營造遊戲的劇情背景故事，呢套全新漫畫名為《Marvel's Avengers: Iron Man》，係《Marvel's Avengers》的前傳故事，直接引導入新遊戲作品當中，以加強遊戲沉浸感獨特性期待度，漫畫將會推出6集，12月起每個月推出一集直到遊戲正式推出日就會出齊6本，呢個一條龍的商業模式係咪對Marvel迷來講相當吸引呢？

條遊戲預告連實機玩法成18分鐘，可當戲睇！

唔得閒就睇下面呢條3分鐘的！

根據Marvel官方介紹：復仇者聯盟大集結！《Marvel's Avengers》正是由此漫畫而生，所以應該同大家睇慣睇熟的電影MCU有少少唔一樣，故事將引領大家直通備受期待的遊戲作品《Marvel's Avengers》。鐵甲奇俠、美國隊長、黑寡婦、雷神奇俠和變形俠醫都是強大的復仇者，地球又有致命的軍團來襲，作為英雄又要非法地努力合作去拯救世界！Tony Stark發現佢地的敵人為左罪惡的目的滲透左入Stark科技，Tony將成為阻止潛伏內部敵人洩密的「捉鬼」關鍵。但是到底他的團隊值唔值得信賴？拯救世界之路會唔會又會變得更加險惡呢？呢個就係第一集新漫畫《Marvel's Avengers: Iron Man》的故事啦？暫時外媒預計可能係一集一個英雄角色做主角，第一集就顯然係鐵甲奇俠啦！

《Marvel's Avengers》講述遊戲世界觀應是復仇者聯盟成立後，超級英雄又被宣佈為不合法（好老土），但世界仍處於危險之中，我都唔知點解D人又要唔認同超級英雄但又要面對入侵的壞人，不被認同的復仇者聯盟，各位超級英雄們必須再次證明自己。(好像唔同平行時空又reboot一次咁！)遊戲最多可由四名玩家連線組隊保衛地球，如果同朋友連線一齊玩都幾有趣

《Marvel's Avengers》將登陸PS4/Xbox One、PC和Stadia平台，於2020年5月15日發售，12月場就一個月一本前傳獨創漫畫作品《Marvel's Avengers: Iron Man》儲齊6本買埋隻Game，你就係超級Marvel鐵粉支持者。話時話呢個商業模式真係幾「掂」，賺盡唔放過，機會主義就係咁解。