{ SKIP }
文:MenClub 摯樂  圖:互聯網
POSTED ON 09 Sep 2019
【推薦新戲】無啦啦被殺戮於是反擊獵殺《爆血新婚夜》超黑色幽默之作

我有理由相信近幾個月大家對於血腥暴力和廝殺的電影接受能力忽然加強左,因為原來呢個世界與惡的距離是這麼遠那麼近,外國好多大逃殺類作品,到底點樣的人才能創作出如此的劇情,應該是充滿仇恨吧?近來發現一部對名門望族富貴豪門仇深似海的電影新作,香港譯名《爆血新婚夜》(Ready or Not),一部劇情非常瘋狂但又別具諷刺意味,驚慄卻極強黑色幽默,血腥中帶搞笑的黑色笑料驚慄新片《爆血新婚夜》,未到萬聖節,但看完預告和介紹就覺得相當有趣,原來此片外國口碑超勁爛蕃茄爆分加持,估佢唔到,講咩野?新娘入門被玩全家獵殺,點知遇著真火新娘擸起武器大反擊

 

作品其中一個賣點係女主角爆血新娘由樣靚身材正的莎瑪拉韋榮(Samara Weaving)飾演,大眼金髮美女出道焦點係似小丑女Margot Robbie,即A貨啦?正是這種A貨特質,莎瑪拉韋榮一定要爭氣反擊,賣力演出,將情感貫注,唔係單單做花瓶只懂尖叫哭泣,作品中被評為帶有濃厚情感,女主角帶出精湛演技,引導大家睇暴力卻又笑得出以驚憟片的殘暴來嘲諷上等人,反婚姻等等信念同反思。故事大獲好評據講由頭到尾充滿娱樂性,角色性格鮮明又火花四濺,絕對唔係單單殺殺殺攞命捉迷藏咁簡單囉。

 

故事劇情講D咩?非常奇怪,故事講女主角姬絲(莎瑪拉韋榮 飾演)以為覓得如意郎君艾力(麥克奧拜恩 Mark O’Brien飾演),可以嫁入豪門做少奶奶,不過這個家族有個古怪傳統,新加入大家庭的成員,於新婚當晚12點, 都要抽卡玩遊戲,姬絲卻黑到爆,竟然抽中玩獵殺新娘的「捉迷藏」牌,全家人若然在天光之前未能成功捉新娘做活人祭就全家都要死!姬絲無端端由新娘變獵物,紅事變白事,但原來居然來真料,真槍實彈大殺戮連藍旗都唔駛舉。為保命仔要在大宅中四處匿,不過笑位係一班豪門參與殺戮的殺手們只是初哥烏龍百出,一時間子彈橫飛,奪命箭四射,唔係你死就係我亡,實行血洗豪門。

 

如果日日睇新聞讓你整個人好緊張,不如試試以毒攻毒,睇返一套R級血腥殺戮的黑色幽默喜劇,可能深具療效,係治癒系的驚懼片。《爆血新婚夜》(READY OR NOT )睇佢地點殺?

2019年9月26日 攞命捉迷藏

又一個冠軍!
hobby
【連續三年】「火箭」上海大師賽再奪冠!
16 Sep 2019
好好享受生活吧!
hobby
【真男人】李宗偉掛拍後終向老婆兌現承諾!
16 Sep 2019