話說如今已2019年，龍珠1984年推出到而家龍珠一代已一把年紀，估佢唔到BANDAI終於推出原版龍珠雷達玩具，仲要2020年先出貨推出。其實2016年當時「龍珠動畫三十週年」推出過一個進階版的龍珠雷達，但就唔知點解同原作個個唔一樣，今次BANDAI終推出1:1原版還原龍珠雷達，同原作莊子揸上手用的一模一樣,功能？咪就係搵龍珠。可以發光，會顯示龍珠嘅位置，光點甚至會隨住你移動位置而改變。如果集齊七粒佢仲有召喚神龍嘅特效，又有收錄莊子同神龍嘅音效檔、BGM等等。

2016年推出的改版龍珠雷達，當時我地Menclub都有報導，不過粉絲就嫌當時個龍珠雷達個樣同動漫版本有啲差別，Bandai方面死撐話30週年嘅新設計，係基於當年嘅設計再「進化」出黎，後來產品唔算太成功，而家咪又死死氣氣推出100%還原的真龍珠雷達，遲左30幾年的玩意，如果當年我細個推出，一定唔食飯都去買，仲有無龍珠迷覺得如今的龍珠故事中神龍係有用的角色同設備？

https://tamashii.jp/item/13034/