打入健力士世界紀錄相信每個人都一定曾經有過呢個念頭，就算係一啲好似好傻好on居嘅紀錄，其實都有機會打入健力士的，而以下呢一位可能你都會覺得佢好傻，但如果你作為Fans就一定非常羨慕，甚至當佢神咁拜！

《龍珠》呢套漫畫相信唔少朋友都一定睇過，佢可以話係日本最出名嘅漫畫亦都不為過，其受歡迎程度已經係達至全世界，而其周邊產品亦都不計其數，如果你想儲真係要幾多有幾多。而一位叫做內田齊嘅龍珠Fans，因為極度喜愛龍珠，所以由細一直儲龍珠產品到今日，終於佢成功打入健力士世界紀錄，成為世界收藏最多龍珠產品嘅人。

據統計，內田先生一共收藏左10098件龍珠產品，真係非常恐佈。從影片中可以睇到，內田先生嘅收產種類繁多，但亦都有唔少係重覆唔只得一件。而為左收藏及供自己觀賞，內田先生特意騰出自己家中嘅空間去擺放呢啲珍品。

咁究竟內田先生係點樣儲到咁多龍珠產品嘅呢？佢就話細個由扭蛋開始，只要有錢就會去扭，所以越扭越多，黎到今日終於成為世界第一，實在係令人佩服！