《拳皇》呢隻格鬥Game相信朋友都一定玩過，主角草薙京及八神奄等人打過你死我活，招數華麗好似大蛇薙、八稚女、八酒杯等相信大家一定非常記得。不過如果話比你知，草薙京、八神奄等死敵唔再打架，而係講友誼同愛情，唔知你會有咩反應？

日本娛樂公司勝利娛樂日前宣佈，旗下遊戲新作《拳皇for Girls》即將進行事前登錄。今次呢隻《拳皇》Game有別於大家熟悉SNK嘅《拳皇》系列，係以少女路線進行的，完全係顛覆大家一向嘅印象。

遊戲以各位熟悉嘅《拳皇》角色進行，但就以友情及愛情為主，編輯我一路寫都忍唔到笑...真係諗起草薙京同八神奄搭膊頭好Friend咁，我就有啲暈啦...打佢啦望！