籃球世界盃日前正式喺中國開鑼，不過賽事問題多多，有球隊批評大會安排不周，亦有中國球迷不禮貌狂噓球員，引黎不少關注。

就喺美國隊正式亮相之前，另一場比賽澳洲vs加拿大亦都吸引唔少眼球，但係有一位球員就唔多受中國球迷歡迎，佢就係曾協助勇士奪得總冠軍嘅澳洲中鋒Andrew Bogut。

The Andrew Bogut hate is real here. #FIBAWC2019 pic.twitter.com/eTZZE4Cd3o

— David Rouben (@david_rouben) 2019年9月1日

中國球迷喺比賽中針對Bogut，只要佢觸球就不斷狂噓佢，原來係因為較早前中國游泳運動員孫楊被澳洲泳手杯葛，認為呢位游手之前曾經服食禁藥，又曾被發現尿液呈紫色，所以拒絕與其一同登上頒獎台。對此，Bogut喺Twitter聲援自己嘅同胞，認為杯葛有理。

雖然中國球迷不斷針對Bogut，但並未能影響呢位中鋒，同時澳洲隊表現亦都非常出色，最終成功擊敗加拿大，取得開門紅。