近年睇得最長的電影原來唔係《復仇者聯盟4 終局之戰》，一般來講超級大作同劇本雄偉的先敢拍出三個半鐘的戲，上年Netflix拍左一套奧斯卡最佳攝影、最佳外語片及最佳導演的《羅馬》，今年要應戰迪士尼+，做串流皇者，當然要搵一套超級電影省一省招牌，將於戲院上映，馬田史高西斯的Netflix電影《The Irishman》羅拔狄尼路拍住阿爾柏仙奴，片長將會係3.5小時，成為近20年美國最長電影作，係一套屋企有個睇但又覺得應該入戲院睇的偉大作品，至少係口碑出街前，我係咁預言，11月1日戲院上畫，衝入去睇定留在家等11月27日Netflix上架，唔係我話事全靠口碑傳頌！第一波口碑將會係此作2019年9月23日在紐約電影節首映

延伸閱讀：【Netflix皇牌】劍指奧斯卡的超級電影《The Irishman》美國鄉黑勾結歷史

 《The Irishman》由Netflix製作馬田史高西斯備重本最受期待的電影，將於11月1日係洛杉磯和紐約戲院公映，預料將會和《羅馬》一樣同期安排於全球上映。然後，大約四星期後，即11月27日，呢部大作就會係串流平台Netflix上首次上架。同上年的《羅馬》電影操作方式類似，除左話有些電影入戲院睇至精彩外，當然就因為要參展各個電影獎項，劍指奧斯卡，上得戲院先至達標入圍，Netflix係唔太介意電影票房，當然，如果作品受到好評，自然多人入場，卡士咁強勁，其實就算唔係Netflix有得睇，都應好多人會入場。

Would you like to be a part of this history?

The Irishman, in theaters beginning November 1st and on Netflix November 27th. pic.twitter.com/896Y3rMay1

— The Irishman (@TheIrishmanFilm) August 27, 2019

愛爾蘭人將成為傳奇電影製作人馬田史高西斯有史以來最長的電影3小時30分鐘係史詩式片長，相比起佢2013年作品《華爾街狼人》180分鐘，315分鐘《The Irishman》長過復仇者，係美國近20年歷史上最長的電影作！成果？“不成功，便成仁”同射十二碼一樣，Netflix一係掂一係唔掂。