《機動戰士高達》一向都係比較成年人向嘅，想要吸引細路啲嘅，先後有SD同三國故事，近來推出《Build Fighter》系列除咗帶動咗唔少舊產品嘅兼用，亦將「製作高達」嘅哩門興趣更加推向小童向，而接住《Build Fighter》之後嘅《Build Divers》系列，最新推出續集《Gundam Build Divers - RE:Rise》，人物設定同初期機體都有公佈咗，而且更可以喺官方Youtube Channel 度免費睇到。

主角陣型會有四大重點人物，除咗高達系，當然有啲炮灰機同SD神奇嘅機體出現啦！話明要細路向㗎嘛！將啲舊機快速推出新HG產品，靠晒佢哋㗎啦！

主角：Hiroto ( Hiroto Kuga )
聲優：小林 千晃
一名十七歲嘅高校生。

今次主角機嘅機體以《AGE》為核心，加入《鉄血的孤兒》嘅原素，由「Core Gundam」加上唔到嘅裝備，變成三個型態，由左起為藍色嘅「EARTHREE GUNDAM」、紅色嘅「MARSFOUR GUNDAM」、綠色嘅「VEETWO GUNDAM」。睇裝備就似係「速度」、「近戰」以及「長距離」。

同伴：Kazami
聲優：水中 雅章
一名喜歡出風頭嘅熱血角色。

GUNDAM JUSTICE KNIGHT 一眼就睇得出，核心係Impluse  Gundam 嚟，加上騎士嘅加持，相當乎合操作員嘅個性。

同伴：May
聲優：渕上 舞
冷靜思考型嘅角色。

WODOM POD，外型勁似 ∀ 高達中出現嘅「Mobile Flat」。應該係偵測型嘅MS。

同伴：Parviz
聲優：南 真由
GBN嘅一名初哥，個性沉着。

VALKYLANDER，飛龍型(官方話係恐龍型？)嘅新SD機體，睇嚟隱藏住可以變型嘅伏筆。

同伴：Eve
聲優：水瀬 祈
無機體嘅角色，似係陪住主角嘅傳統高達故事嘅女主角。

敵對方：Captain Zeon
其實真係無乜意見想講，左抄右抄嘅角色設定。

Nu-ZEON GUNDAM，嘩！好勁呀！十二枝牛油炮，寶少都好難搞得掂，佢居然可以舞得掂，不過模型話你知...原來無咁勁抽。

模型早已Ready 好配合，然後整體都係過往果種「有模型配合推出」嘅感覺，無乜期待感，然而...

原來唔係十二枝牛油炮，係四組「牛油炮組」.......