如果要數NBA目前最有潛力嘅新人，76人巨型控衛Ben Simmons絕對係其中一。作為2016年嘅狀元，Simmons以出色嘅控傳領導球隊，並成功奪得最佳新秀(雖然係相隔一年後才正式上陣)。不過，完成左兩個賽季後，Simmons嘅問錯亦都再明顯不過，而呢個亦都會決定其上限可以去到邊，講緊嘅就係佢嘅投籃。

23歲嘅Simmons，雖然擁有卓越嘅視野及傳控能力，但係由於佢一直缺乏長距離嘅投籃，因此防守佢嘅人就可以向後收窄內線，因為明知佢唔會射三分，甚至Long two，所以向後移能有效減低其殺入內線嘅威力。

喺中鋒都要識射三分嘅年代，沒有投射能力嘅球員，可以話絕對難以喺NBA生存，Simmons已經算係一個異類，佢單憑自己嘅天賦及身體質素，即使作為控衛嘅佢欠缺投籃，但仍然可以助球隊打至分岸4強。換句話說，如果Simmons成功開發投射技能，咁仲得了嘅？

而呢個情況可能真係要發生啦，因為今個夏天Simmons努力練習投籃，無論係三分球還是中距離佢都唔放過，睇怕黎緊新一季佢嘅投射技能終於要解鎖啦！

從以上嘅影片可以睇到，Simmons喺練習中果斷出手投籃，而三分球、中距離悉數命中。唔單止係咁，Simmons更多嘅係控球後投籃，就好似Stephen Curry經常做嘅一樣。

當然以上嘅都只係練習，真正比場Simmons會否夠膽出手各位球迷就真係要拭目以待啦，而如果佢真係解鎖三分球技能嘅話，76人真係一下子就成為東岸冠軍嘅大熱門了。