Age of Empires(AOE)《世紀帝國》呢隻遊戲，相信有番咁上下年紀嘅你，應該好多都一定玩過，而就算無玩過都一定聽過。想當年一大班朋友喺網吧或屋企連線對決，真係好令人回味。而最新消息指，呢隻經典遊戲將會推出4K重製版，大家又係時候回味共同回憶啦！

微軟公司今日於「Inside Xbox - Live @ gamescom 2019」活動上，正式對外宣佈《世紀帝國 2：決定版》將會喺今年11月14日重製發售。

今次AOE重製版除左配有4K畫質之外，聲軌亦都會同時重製，再加上全新4個文明及3個新章節供玩家選擇。

而唔單止咁，以往嘅AOE最多就只能夠4人連線進行，但今次將會一口氣增加至最多8人連線，相信會令遊戲嘅變化變得更大。

另外，玩得AOE相信都一定會有試過玩佢嘅金手指秘技，好似「How do you turn this on」叫部戰車出黎殺敵都唔好話唔過癮。不過，今次重製版將會用上第一代AOE嘅秘技，所以大家如果想玩就要自己搵下啦。