拳王泰臣自2006年離開職業拳壇後，退役已經超過13年，退役後嘅生活泰臣亦過得唔錯，並以吸食大麻為主要娛樂，甚至開始其大麻生意。

大麻雖然有唔少地方都認為係毒品之一，但由於開始有更多研究指大麻有其藥用功效，而少量使用亦都唔會對身體有嚴重影響，所以好似美國呢類型較開放嘅國家，就將娛樂用嘅大麻合法化，因此泰臣做緊嘅生意並無違法。

有媒體訪問53歲嘅泰臣有關其大麻生活，泰臣表示：「我吸食大麻一個月平均用上4萬美元，而吸食量大慨每月10噸左右。」

現時，泰臣自己坐擁一個佔地40英畝嘅農場種植大麻，並正在研究如何可以獲得更好嘅大麻。

不過，由於泰臣理財不善，其實早在2003年已經宣佈破產，但要知道佢喺拳擊生涯入面一共賺上3億美元。

雖然大麻喺美國等地陸逐合法化，但始終佢都係具毒性，吸食過量仍然有機會出現以下問題：

-影響人體中樞神經系統

-患肺癌等癌症風險增加

-影響未成年人腦部發育

-增加精神疾病風險