上個月中，喺上海舉辦咗《大河原邦男展》嘅展覽，入面展出咗唔少大河原邦男老師嘅作品，當中有隻望落好熟悉，但顏色同風格怪異嘅機體，原來佢就係大家熟悉嘅「地隱俠」嚟。正當大家將哩隻綠色「地隱俠」當成會場限定品時，日本官網又開始有得訂啦，大河源邦男配色嘅中國風地隱俠，究竟有無吸引力呢？

魔神頭mode 感覺有啲似風飄俠，可能係顏色嘅影響啦，手臂外甲印有龍印，但點解唔對稱嘅？兩條龍都係同一方向...

哩隻大河源邦男配色嘅中國風地隱俠，本體就係之前推出過嘅Veriable Action 系列嚟，所以可動性絕無問題。只係在於配色上用咗金屬綠配金邊，感覺就好似《機動武鬥傳G》入面嘅「神龍高達」咁。啲中國風嘅配置就不敢認同啦，有陣「Leung」味，特別係「同心結」果下，威猛嘅地隱俠去咗邊呀？真係左青龍右同心結。膝頭兩個「梦」字先最難頂，如果唔係官方發佈，真係會覺得又係大陸啲老翻廠嘅傑作。

仲有把劍，條龍好似低B化咁，救命呀！大地鼓動，出嚟啦！大龍神劍！

若果睇完你仲係好有愛嘅Fans，就真係要衝返隻，始終係中國風嘅產品，實有幾十億同你爭，你可以想像到大家幾渴求哩個「中國梦」。

Veriable Action大河原邦男展 大河原邦男 配色版 中國風 地隱俠

推出日期：2020年1月預定
售價：10,000円（未連稅）
質材：ABS、POM
全高：～160mm
產地：中國