{ SKIP }
文:MenClub 波特先生  圖:互聯網
POSTED ON 12 Aug 2019

英超其實己經開左季,但係相信有唔少球迷可能仍然唔知,都無計因為香港正值多事之秋,睇波呢啲野梗係放埋一邊。不過相信仲有唔少人對香港現況唔會多理,事不關己,咁唯有繼續講你知尋晚曼聯大勝車路士4:0啦。

曼聯與新領隊蘇斯克查上季猶如經歷過山車一般嘅賽季,最終今夏成功爭兵,新一季能夠交出咩表現,就睇下蘇帥有無咩領軍能力上嘅提升啦。而另一邊廂嘅車路士,今夏有名宿林伯特走馬上任,但由於球隊正面臨不能註冊新球員嘅情況,所以球隊今夏未能有效增兵,所以林伯用人上難免有困難。

更甚嘅係,車路士今夏仍然有球員離隊,其中核心夏薩特轉投皇馬,而後防大將雷斯亦轉投阿仙奴,令球隊攻守實力都下降不少。

黎到今季首戰,主場出擊嘅曼聯其實初段並未完全控制大局,但後防不穩嘅問題卻慢慢呈現,特別係中堅蘇馬嘅表現令人擔驚受怕,最終藍軍亦因為佢嘅出錯導致失球。而唔單止蘇馬,另一中堅基斯甸臣表現亦令人失望,特別係企位經常出現問題,間接令球隊走漏人。

曼聯方面就完全相反,雖然唔可以話完全一面倒壓住車路士,但球員充滿活力,特別係拉舒福特,呢位快馬完全令車路士後防一籌莫展,再加上其他球員亦都有精彩配合,最終曼聯憑住福仔個人梅開二度,加上馬斯亞及占士各入一球,最終紅魔鬼以4:0大勝車仔,取得開門紅。

今仗過後,相信林伯特黎緊嘅執教之路絕對會非常難行,因為球迷們已經開始炮轟呢位新帥,如果佢唔能夠帶領球隊下仗反彈,並且打出好成績,相信好快車路士又要換帥了。

經典動作飛車電影《狂野時速(Fast Furious)》系列即將迎來最終章!Vin Diesel日前向Fans透露,《狂野時速11》預計在2027年4月正式上映,而且由已故演員Paul Walker飾演嘅角色Brian O'Conner將與唐老大(Dominic T ...
hobby
【最終章】Vin Diesel證實《狂野時速11》在2027年上映:Brian O'Conner將與唐老大重聚
30 Jun 2025
唔知美國版《魷魚遊戲》會玩咩童年遊戲呢? ***注意:以下內容含《魷魚遊戲》第三季劇透*** * * * * * Netflix人氣劇集《魷魚遊戲》第三季在日前正式播出,歷時4年嘅故事終於迎來大結局 ...
hobby
【影視】消息指David Fincher將執導美版《魷魚遊戲》 預計2025年12月開拍
30 Jun 2025