{ SKIP }
文:米  圖:互聯網
POSTED ON 01 Aug 2019

作為一個專業嘅寵物小精靈訓練員,點可以冇隻比卡超傍身!不過相比起買隻死魚咁嘅公仔得個擺字,識郁識叫識發熱發亮嘅比卡超係咪有真實感好多先?講緊嘅係由日本公司シャイン推出嘅暑假新品「比卡超造型枱燈」(ピカチュウ プニライト),多種功能好睇實用又好玩,Fans點可以錯過!

「比卡超造型枱燈」大小大約係30cm,作為一盞枱燈,佢除咗可以發光之外,仲有三種光亮模式畀你調整,逐漸光又得,閃閃下又得,keep住光又得,得咗!而佢最特別嘅地方在於佢可以同你互動,感覺十足擁有隻真嘅比卡超咁!呢盞枱燈內建語音偵測系統,當你同佢打招呼嘅時候,比卡超就會用「pikapika」咁回應你;另外當你播音樂嘅時候,比卡超亦都會隨住音樂郁下郁下咁跳舞,非常可愛!

目前呢盞「比卡超造型枱燈」售價9698(税込)日元,於日本各大百貨、玩具、雜貨店販售,唔知遲下香港又會唔會有得賣呢?

預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025