火箭總經理Morey日前支持陣中MVP James Harden，認為呢位球星進攻能力可以稱得上係NBA歷史第一，甚至連「籃球之神」Michael Jordan都及唔上佢！

對於NBA歷史第一(GOAT)嘅地位，雖然每個人心目中都可能有自己嘅一位，但相信Michael Jordan應該會有最多支持者，而拎現役球員去與Jordan，相信能夠較為接近嘅可能就只有LeBron James一人，其他球員應該仍然有一大段距離。

不過，火箭總經理Morey卻並唔係咁諗，雖則佢唔完全認為自己嘅首席球員Harden比Jordan更好，但單論進攻效率的話，Morey卻認為Harden絕對係歷史第一，能夠與之相比嘅可能就只有「上古神獸」Wilt Chamberlain一人。

對比Harden與Jordan嘅數據，Harden作為2017-18球季嘅MVP，其生涯數據為24.3分，命中率44.3％，三分球命中率36.5%，罰球命中率85.7%，並兩次成為聯盟得分王；而Jordan 14年球員生涯數據則為30.1分，命中率44.5%，三分球命中率32.7%，罰球命中率83.5%，並且10次成為聯盟得分王。

雖然Harden嘅得分能力算得上係傲視當今聯盟，佢對於比賽嘅犯規了解得非常透徹，所以可以獲得極多哨音，因此罰球不斷。不過，真正進攻無解嘅絕對係Jordan，佢嘅中投非常穩，殺入籃底得分嘅能力亦都難以阻擋，更重要嘅係其大心臟喺關鍵時刻嘅發揮，令佢NBA歷史最強嘅得分手。