《It》係一部2017年嘅美國超自然恐怖片，改編自史提芬·京1986年同名小說《It》。故事描述7個小朋友被「It」睇中並糾纏，眾人陷入各自嘅恐懼之中。而當時《It》呢套電影評價及口碑都相當唔錯，可怕嘅小丑形象更非常深入民心，令人不寒而慄，唔少人都期待睇《It》嘅續集！Finally，官方近日終於推出《It Chapter Two》嘅預告，恐怖感有增無減，大人細路睇見都怕呀！

《It Chapter Two》講述「失敗者俱樂部」嘅7個小朋友長大後各自搬離緬因州德利鎮，27年之後，傳說中嘅恐怖小丑再次出現，7個小朋友長大成人之後，遵守諾言返到自己嘅故鄉，「失敗者俱樂部」再次集合，一齊面對小丑嘅邪惡身影。

一齊睇睇《It Chapter Two》嘅最新預告啦！