今夏目前最大嘅交易消息，就是湖人成功以多名年輕具潛力的球員換來MVP級別的Anthony Davis，來季佢將會與LeBron James聯手，睇下可唔可以喺勇士人手不足嘅情況下殺出一條血路。

不過可能心水清嘅球迷會留意到，上季LeBron James喺湖人著23號球衣，而新加盟嘅Davis自加入NBA後都係一直穿23號球衣，兩位球星如何分配呢個23號球衣號碼呢?

今日，LeBron已經對外發放將會將23號讓比Davis，相信此舉係LeBron想比Davis一個見面禮，因為佢希望大家黎緊可以合作愉快。

LeBron James效力騎士期間一直都係著23號球衣，其後轉投熱火後則轉為穿起6號球衣，而黎到湖人佢再次揀上23號呢個號碼，如今將23號讓比Davis，暫未知LeBron會揀邊一個號碼，會唔會又係6號呢?

不過無論LeBron揀邊個號碼，相信一眾湖人球迷都要再花錢啦，因為上季買嘅LeBron 23號波衫已經唔著得，要換新號碼嘅LeBron波衫，又或者買一件新嘅23號Davis波衫，再唔係喺現有波衫做下手腳啦。