成日同大家介紹性感女角模型，今次就熱血返少少，推介由「Nova Studio」公司推出嘅《SLAM DUNK》仙道彰可動模型！

陵南高中嘅仙道彰係神奈川縣公認嘅高中聯賽最優秀球員之一，攻守同組織傳導能力都屬當世頂尖，人稱「天才仙道」，同時亦係整部作品中唯一無死角嘅全能人物，咁天才嘅角色自然多人鍾意，呢次「Nova Studio」公司推出嘅仙道模型，可以郁之餘，不論質感同神態都非常有水準，一齊睇睇先！