NBA 2018-19球季喺速龍成功擊敗勇士奪得隊史首個總冠軍後，聯盟正式進入休賽期，各支球隊開始積極為下賽季準備，而鵜鶘與湖人嘅交易，將Anthony Davis送去與LeBron James聯手，固然之係目前最大嘅交易，但今日另一宗交易亦代表一個時代嘅結束，因為灰熊竟然將佢地多年嘅核心控衛Mike Conley交易至爵士！

過去唔少球迷都批評球員會為左利益而轉投其他球隊，但近年終於開始有人質疑球隊其實無情送走球員亦都一樣令人失望。而今次嘅主角Mike Conley，就係灰熊喺2007年NBA選秀大會上以首輪第4順位擇左佢番黎，31歲嘅佢至今已經效力左灰熊12個球季，以為佢會一直效力到退役，但係今日佢被球隊交易掉。

呢次交易係係因為爵士希望可以升級控衛，佢地覺得原來嘅正選控衝Ricky Rubio投籃能力有限，並且看似應該難以改善，所以相中了Conley，故此相信爵士好快就會將Rubio交易掉。而爵士為左得到Conley，佢地亦都付出左唔少，佢地送出左Grayson Allen、Kyle Korver、Jae Crowder、今年選秀嘅23號簽及一個受保護嘅2020年首輪簽。

Conley因為之前與灰熊簽左一份頂薪合同，所以黎緊一季嘅年薪達到3250萬美元，並且仲有兩年合同，雖然佔據左唔少薪酬空間，但接下來交易掉Rubio應該可以減省一點，其後球隊將會以Conley、Donovan Mitchell及Rudy Gobert這三人作為核心建隊。

而灰熊方面，繼送走Marc Gasol，如今再送走埋Conley，佢地正式進入重建期，預計佢地將會以Jaren Jackson Jr.作為建隊核心，再加上佢地今年手握榜眼簽，亦即係可以揀Ja Morant(控衛)或RJ Barrett(分衛)其中一人，咁樣雙核心嘅情況下，加埋未來嘅選秀權，灰熊嘅未來亦都係一片光明的。