利物浦喺岩岩一屆歐聯表現出色，成功自2005年後再一次捧起冠軍獎盃，而要數當中嘅功臣，除左領隊高普之外，相信必定係中堅雲迪克。

27歲嘅雲迪克，今年嘅表現絕對對得上世界最佳中堅嘅稱號，基本上喺佢嘅防守下甚少有對方球員可以越過其防線，而呢位中堅能夠有咁出色嘅防守表現，其中原因速度係一大關鍵。

據統計，雲迪克喺與巴塞嘅首回合第91分鐘球隊0:3落後嘅情況下，喺回防期間跑出瞬時速度34.5km/h，成為今屆歐聯所有球員當中瞬時速度排名第一，要知道喺比賽最後階段竟然都無影響其速度，實在令人驚訝！

而緊隨雲迪克嘅34.5km/h之下嘅，係曼城前鋒辛尼嘅34.4km/h，再之後嘅就係Nemanja Radonjic及基爾獲加嘅34.2km/h，再之後就係巴利嘅33.8km/h。

從來都講天下武功唯快不破，作為一名中堅真係唔單止要有力量，其實速度將可以令佢提升至少一個層次，唔知今年佢會唔會有機會真係挑戰到金球獎呢？