武磊可以話係現時中國足球嘅代表人物，佢係現今中國國家隊唯一一位能夠到歐洲踢波嘅球員，更甚嘅係佢竟然可以瞬速成為球隊主力，並且喺球隊關鍵嘅最後一場比賽成為英雄，呢一點相信應該無咩人估得到。

今季西甲煞科日，愛斯賓奴本來係被動的一隊，佢地雖然有機會爭奪來季歐霸盃外圍賽資格，但係就要睇畢爾包做人，因為愛斯賓奴唯一嘅機會就係不單止佢地自己要贏波，仲要畢爾包輸比西維爾。當然，西維爾唔係弱隊，但係其實佢地已經無野爭，所以動力相對要比畢爾包弱。

View this post on Instagram

ROBERTAZO  - #RCDE | #Volem | #EspanyoldeBarcelona | #EspanyolRealSociedad

A post shared by RCD Espanyol de Barcelona (@rcdespanyol) on May 18, 2019 at 8:54am PDT

而愛斯賓奴只可以做好自己，其他只可以聽天由命。而愛斯賓奴與皇家蘇斯達嘅比賽，上半場佢地未能夠取得任何入球，呢個足以令球隊上下都開始緊張，因為如果佢地贏唔到波一切都只係空談。

下半場，羅沙里斯成功取得入球，愛斯賓奴成功取得領先，可以話叫做盡左自己最大程度上可以做到嘅野。另一邊廂，西維爾其實上半場44分鐘已經取得入球，但係佢地未能夠再擴大領先優勢，所以畢爾包仍然存有一線生機，只要佢地可以取得1個入球扳平比分，能夠獲得歐洲賽資格嘅仍然係佢地。

當然，愛斯賓奴自己亦未完全安全，因為如果佢地稍一不慎被對方入球，咁樣佢地將會非常難踢落去。而喺比賽65分鐘佢地終於等到，武磊接應隊友嘅高空球傳送，獨自殺入禁區面對門將，佢非常冷靜處理呢球單刀，最終為愛斯賓奴獲得兩球嘅領先優勢，叫做為球隊真正可以保有贏波嘅優勢。

Wu Lei! ! Wu Lei! ! ! The third goal of the season! ! The third goal of the season! ! King of La Liga! ! ! ! The Chinese are still amazing! ! ! I am proud to be an Espanyol fan! ! !#LaLiga #LaLigaxESPN #WuLei #EspanyolRealSociedad pic.twitter.com/kgs4kDyvCk

— Harry Shosta (@jIWYuLQmDHONeC0) 2019年5月18日

其實畢爾包個一邊本有機會喺臨完場前扳平比分，但卻過唔到條門楣，最後更被西維爾反擊得手，最終以0:2落敗。就係咁，愛斯賓奴奇蹟反超畢爾包登上聯賽第7位，獲得來季歐霸盃嘅外圍賽資格。

比賽完結，愛斯賓奴得知獲得歐洲賽資格，整個球場嘅球迷都陷入瘋狂，情況就好似贏得聯賽冠軍一樣，而武磊亦成為球迷嘅英雄，要知道愛斯賓奴喺加入武磊前，其實屬於聯賽下游球隊，甚至有降班危機，但後來武磊加盟後球隊情況大幅逆轉，最終更獲得歐洲賽資格，難怪球迷陷入瘋狂。

唔知你又覺得愛斯賓奴嘅逆襲，有幾多係關武磊事呢？