{ SKIP }
文:MenClub Mean娜  圖:MenClub
POSTED ON 24 Dec 2014
迪士尼樂園一向浪漫又童真,最啱同女朋友一齊去拍拖。每年迪士尼一到聖誕都會有新搞作,準備去迪士尼嘅Gentlemen,做好心理準備,睇吓迪士尼會帶咩奇妙旅程畀你喇!


購物篇︰

Line推出嘅迪士尼TSUM TSUM遊戲可愛又好玩,當然大受女孩子歡迎,而家極萌嘅TSUM TSUM公仔都出現喺迪士尼入面,仲有勁多角色,同埋不同造型任你揀,有大有細,你女朋友實開心死啦!






極受歡迎的迪士尼小熊 Duffy 今年亦相約小熊好友 ShellieMay到香港迪士尼,仲有一系列全新 ShellieMay 主題禮品,如果你女朋友有買開Duffy嘅產品,咁各位男士今次荷包真係要大出血喇,因為佢哋一定會買埋ShellieMay陪Duffy過冬


LET IT GO~ LET IT GO~就算你冇睇《魔雪奇緣》,相信都會聽過呢首歌仔。瘋魔全球嘅ELSA同ANNA,迪士尼又點會冇得買呢?為氹女朋友歡喜,錢銀呢家嘢就LET IT GO 啦!



飲食篇︰

迪士尼嘅BAKERY襯住聖誕,推出一系列可愛嘅蛋糕同餅乾,有聖誕必備嘅薑餅人、聖誕樹、雪人等等,款款造型別緻又可愛,不過味道就……心照啦!







拍照篇︰

為慶祝普天同慶嘅大日子,米奇老鼠同佢嘅朋友都換上全新亮麗嘅聖誕服飾,除咗平日見開嘅卡通人物,當然仲有今年新嚟香港嘅ShellieMay同Elsa、Anna啦!你睇佢哋幾可愛活潑!但留意返,如果當日落雨,Elsa、Anna就唔會出現架喇,點解?因為個妝會溶晒囉!



漫天飄雪的冬日,史上最賣座動畫長片《魔雪奇緣》兩位人氣主角Elsa女皇和Anna公主,首次遠道從夢幻的魔雪皇國親臨香港迪士尼樂園,喺「幻想世界」與各地賓客會面,絕對是不容錯過的聖誕驚喜!

劇場篇︰

《魔雪奇緣》中搞鬼雪人小白與忠心馴鹿斯特,更將會在「幻想世界」上演戲偶劇場,與大家分享佢哋嘅小故事「雪人小白尋找夏天之旅」。




亮燈篇︰

迪士尼晚間嘅煙花匯演一向係重頭戲,而家聖誕仲多咗個聖誕樹亮燈表現,同樣會有煙花,一樣好睇!同時仲會有陣陣飄雪徐徐飄落,浪漫非常。

由金像大導James Cameron操刀嘅《阿凡達:火與燼(Avatar: Fire and Ash)》將於下月正式上映,但佢最近接受訪問時就坦言,若然今集賺得唔夠多、無法說服迪士尼再投資。咁佢就會放棄拍攝第4及第5集,改為寫一本書交 ...
hobby
【影視】 James Cameron直言《阿凡達3》若票房未達標 或終止後續電影改為寫書交代故事
28 Nov 2025
為慶祝高達全新官網GUNDAM Official Website正式上線,官方自10月10日起展開特別企劃《全世界高達總選舉2025》,邀請全球Fans票選出世上最受歡迎高達。隨住投票將於12月25日截止,近日官方公布中期結果Top 20名單, ...
hobby
【高達】《全世界高達總選舉2025》中期結果出爐 SEED系列機體強勢佔多席位
28 Nov 2025