香港業餘游泳總會(下稱泳總)近年不斷爆出醜聞，其中去年泳總委員會之子吳欣鍵，喺無任何解釋下取代100米蛙泳全港第一嘅郭家輝，已經令人難以接受。而今日，再有消息爆出指泳總竟以非牟利機構身份去牟取利益，如事件屬實實在令香港體育界蒙羞。

據報導指，泳總旗下屬會過去被發現以非牟利機構身份優惠價租用香港公眾泳池部份泳線，其後卻要求學員將學費轉入私人牟利的公司戶口，亦即係以非牟利身份謀取暴利。而事件被發現後，泳總方面表示將會進行獨立調查，但其後卻表示並無發現任何違規行為。

而經過傳媒深入調查後，發現原來泳總嘅調查原來係自己人查自己人，調查委員會人士全數係泳總委員組成，調查過程亦都非常草率，即使屬會無清楚交代帳目，亦不作深究，因此調查結果根本毫無權威性。

作為香港體育界其中一個大型總會，泳總如果真係放任旗下屬會不管，甚至原來從中亦有收受利益，咁樣對於市民黎講絕對係難以接受，亦都對一眾非牟利機構非常不公平。