上圖精美電影手繪海報來自@No Paper Studio 無紙用

《復仇者聯盟4: 終局之戰》今日係美國以至全球正式上映，單單是亞洲地區2日的優先上映日已不停衝破票房紀錄，有望成為歷史上最高收入的電影作品。而票房還在每日衝緊上去，單單就地球上微不足道的香港本地票房成績開畫第一日已衝破2000萬，破最高單日票房紀錄和最高開畫日票房紀錄，有15萬香港觀眾入場見証歷史。實在是「巴閉」，當然講數字就要用中國票房嚇一嚇鬼佬。復仇者聯盟4: 終局之戰中國內地的票房已突破12億人民幣，而家講2日上映，票房預計還會繼續上衝。面對龐大數字中國呢兩個字相信已讓荷里活入迷，講返復仇者聯盟，破紀錄就一定，單論票房當美國和全球上映的今日開始計到底最終全球票房收入可以去到幾多呢？不如大家一起估下

Marvel熱潮席卷全球，呢幾日好多人的討論都係《復仇者聯盟4: 終局之戰》，當然「劇透」也因為呢套電影成為熱門詞語。其實美國和歐洲主要地區今日才正式上映，我地比起佢地早左2日時間，但亞洲地區已創造左好輝煌的戰績和嚇人的票房。當然，我個人還會想知日本的票房唔知上映後可以做到咩野成績呢？因為日本係全球難得對復仇者聯盟同Marvel大作不冷不熱的群體，佢地只對外國的哈利波特系列同妙麗主演的「美女與野獸」有興趣，得呢幾部作品系列日本票房為大收，佢地選擇睇柯南票房好收過Marvel電影，可謂電影界一個特別的清泉，《復仇者聯盟4: 終局之戰》的宣傳都唔太敢去日本。所以我等看日本的成績睇下這部史詩式大作入唔入到日本市場。

由於愈來愈多Imax同3D等新戲院，電影的票價愈來愈高，當然當中也有通脹的因素，票房數字一下子拉高是肯定的事，而今時今日，香港電影院的數目已開始回復電影黃金歲月的量，單單香港已至少第9大電影院線，其實咁多院線咁多戲院除左呢期《復仇者聯盟4: 終局之戰》座爆各大影院外，平時其實係咪真係咁多人入場支持電影？大家會唔會至少一個月戲院睇返一場戲？最好當然也能支持一下香港優秀的港產片(如果有！)

又講除左睇場戲，大家會唔會消費去比錢買下戲院推出的特選爆谷餐？

最後，反正講Marvel，今日蜘蛛俠出左新的劇照