《蠟筆小新》入面野原廣志對腳臭就係人都知，但事實上有幾臭呢？隔住本書同隔住個MON實在好難體會到野原廣志嘅腳臭威力！於是BANDAI最近就出咗一款聲稱「忠實呈現腳臭氣味」嘅野原廣志模型
，等你索真啲廣志對腳到底係咩味啦！

今次BANDAI呢款野原廣志模型就還原咗2014年《蠟筆小新》劇場版「大對決！機械人爸爸的反擊」入面廣志用隻腳臭暈敵人嘅經典動作。而呢款「忠實呈現腳臭氣味」嘅野原廣志模型整體高度約11.5cm，喺底座部份就藏有「特殊臭味劑」，根據官方講法，佢呢款臭味劑會忠實呈現廣志嘅臭腳味！

目前呢個廣志模型售價4980日元，而家已經開始開放預購，預計會喺2019年9月發行。