《果然我的青春戀愛喜劇搞錯了。》（日語：やはり俺の青春ラブコメはまちがっている。）係日本作家渡航所寫嘅輕小說，插畫由ぽんかん負責，2011年3月於GAGAGA文庫（小學館）出版發行，喺日本銷售突破700萬本。2012年7月，《果然我的青春戀愛喜劇搞錯了。》輕小說宣佈動畫化，第1期動畫於2013年4月播放，後來喺2014年4月18日宣佈製作第2期動畫，並於2015年4月2日播放。而最近更於2019年3月16日宣佈製作第3期動畫嘅消息！

《果然我的青春戀愛喜劇搞錯了。》嘅故事係講述高中生比企谷八幡生性彆扭，不屈服於孤獨，一個朋友都冇，更加唔使講女朋友，對於啲享受住青春嘅同班同學，佢總係詛咒人：「佢哋都係現充，通通同我爆炸啦！」——一個咁嘅怪人，就被導師帶去全校第一美少女雪之下雪乃加入嘅「侍奉社」。之不過，雪乃同八幡個性上嘅缺陷令佢哋完全無法擦出愛情火花，《果然我的青春戀愛喜劇搞錯了。》係一個充滿錯誤嘅青春故事。

《果然我的青春戀愛喜劇搞錯了。》已經播出兩季TV動畫，喺第二季完結時，正正趕上當時出到第11卷嘅原作內容，嗰陣大多數讀者都認為故事將於第14卷完結，所以大家都覺得剩低嘅內容根本就唔夠做第三季TV動畫，點知就喺最近，官方宣佈TV動畫第三季製作決定嘅消息，真係令一眾粉絲相當興奮！

之不過目前第三季仲未公布播出日期，想睇嘅話似乎要再等多一段時間喇。