{ SKIP }
文:MenClub 波特先生  圖:互聯網
POSTED ON 14 Mar 2019

2008-2017的10年期間,美斯及C朗拿度兩名球員各自奪得5次金球獎,直至2018年才由摩迪打破二人嘅壟斷。而去年夏天C朗拿度離開皇馬,美斯在世界盃表現又未能令人滿意,令外界唔少人都開始認為兩位曾經統治過去10年嘅超級球星可能係時候落幕。不過,經過過去兩晚嘅歐聯賽事,足以證明球壇仍然係佢地兩個統治。

前晚歐聯16強次祖記在首回合落後兩球下,憑住C朗拿度個人大演帽子戲法,絕地逆轉擊敗馬體會,賽後外界一致高度讚揚C朗嘅不服輸精神,正正憑住呢一點助祖記絕地晉級。反觀失去C朗嘅皇馬,在首回合領先下,竟然因輕敵最終被阿積士淘汰,證明有或沒有C朗嘅分別都真係幾大。

而尋晚輪到美斯嘅巴塞主場出戰里昂,在首回合雙方打成0:0嘅情況下,你可能以為呢場次回合係一場五五波,但唔好意思回到主場嘅美斯真係唔係人咁品,佢亦都唔會比C朗獨搶風頭。

主場面對里昂,巴塞盡展恐佈嘅攻擊力,基本上大部份功勢都可以喺里昂禁區做成極大威脅。而在比賽早段,蘇亞雷斯在禁區被踢倒,球證直指12碼。不過呢一次犯規賽後有唔少人都覺得係蘇亞雷斯扮野,誇大動作先呃到12碼翻黎。最終,呢球12碼由美斯操刀,佢輕輕一唧,個波直入龍門中路,而門將完全被騙倒在地,1:0。

去到比賽30分鐘,蘇亞雷斯在禁區頂展現一次非常精彩嘅過人動作,然後在門將殺到埋身前,助攻比旁邊無人看管嘅古天奴,後者輕鬆撞入,2:0。上半場巴塞帶住兩球返回更衣室,而呢個時候美斯亦都只係攻入1球。

下半場,里昂在58分鐘,在巴塞禁區一輪混戰下,成功追番一球,但佢地未能乘勝追擊,再入多一球,最終放虎歸山,在比賽最後10分鐘,美斯接管比賽。呢位即將32歲嘅前鋒,在對方禁區頂先假射騙過兩名防守球員,其後用右腳再射,雖然門將擋到改變方向,但球最終都係慢流尾袋,3:1。

然後,美斯又再一次在里昂禁區交出一記非常通透嘅致命傳送,後上嘅碧基訓身一射,巴塞已經領先至4:1。最後,傾巢而出嘅里昂令巴塞嘅反擊變得更致命,美斯最終再助攻比迪比利,後者輕鬆射入,最終巴塞以5:1大勝對手晉級八強。

呼應上文,美斯全場交出2入球2助攻,絕對係今仗MOTM無誤,其表現可能無C朗拿度咁戲劇性,但實力卻表露無遺,球壇最佳佢仍然與C朗係當之無愧。

早排喺PS4 上推出嘅大熱遊戲《惡魔五月哭5》(Devil May Cry 5),除咗遊戲熱賣,依家更加推出1/12 可動人形Figure。無輪造形定配件,都有極高嘅可玩性。今次由《千值練》推出嘅1/12 可動Figure - 但丁,Fans 絕對唔好 ...
hobby
1/12 可動樣靚但丁,配件豐富玩餐飽
26 May 2019
明明騰訊手上有天美工作室所製作之兩大 MOBA 手遊,為何在此時間點才會出現英雄聯盟之手遊版呢?
hobby
【手遊世代】騰訊正籌備與 Riot Game 推出手遊版「英雄聯盟」(?) ...
25 May 2019