前曼聯前鋒沙夏日前接受訪問，期間佢被問到有關當日紅魔神鋒「雲佬」雲尼斯達萊離隊嘅原因，而這一切原來關係到C朗拿度及領隊費格遜。

「雲佬」自從2001-02球季加入曼聯後，旋即展示其「禁區之王」嘅能力，加盟首季已經攻入36球，其後兩季入球依然不停，令佢成為球隊前場不能被動搖嘅首席射手。

不過，2003-04球季曼聯引入C朗拿度及沙夏，令「雲佬」嘅地位開始受到動搖，特別係C朗拿度當時年少氣盛，非常想表現自己因此有唔少自私嘅時刻，令「雲佬」開始不滿。

沙夏透露，因為不滿令「雲佬」與費Sir之間出現裂痕，再加上當時朗尼及C朗開始展現潛力，而沙夏與朗尼嘅配合亦令費Sir滿意，因此費Sir最終決定賣走當時只係30歲嘅「雲佬」。送走「雲佬」，令C朗及朗尼擁有更大嘅空間去成長，最終兩位都變成曼聯多年嘅核心球員。

沙夏最後認為，雖然「雲佬」被迫離開曼聯，但佢其後亦成功加盟皇馬呢支大球隊，效力4年期間曾協助佢地兩奪聯賽冠軍，所以結果亦都可以話係雙贏的。