講到恐怖娃娃《娃鬼回魂》中嘅Chucky絕對係大家公認嘅始祖，雖然當年電影以低成本製作，Chucky樣貌亦相當簡陋，但電影依然令人覺得恐懼萬分，成為經典恐怖電影之一。而到2019年，《娃鬼回魂》將以新面目再見大家，今次《娃鬼回魂》嘅重啟作《Child’s Play》會再一次展開Chucky同Andy嘅故事，但最新嘅Chucky唔再係一個普通嘅公仔，而係跟隨時代發展，變成一個高科技公仔！

有傳今時今日嘅Chucky，已經變成AI智慧公仔，有語音辨識、臉部掃描等功能，仲有有內建Wifi及雙語能力，更貼近我哋而家嘅時代。

而日前官方都釋出《Child’s Play》嘅首個預告片，可惜最重要嘅Chucky仲未現身，想知Chucky真面目嘅話，可能要再等下一條預告片喇！