之前《一拳超人》動畫播出時氣勢如虹，人氣指數爆晒燈，雖然播出後至今都隔咗一段時間，但《一拳超人》嘅人氣依然不減，嚟緊《一拳超人》第二季仲會喺今年4月播出，喺有得睇第二季之前，可能大家都想為《一拳超人》造勢，谷返多啲人氣同拉攏多啲Fans，於是最近市面上都多返少少《一拳超人》嘅周邊產品，例如係呢次要介紹嘅商品——型到爆嘅《一拳超人》拳頭造型杯！

紅色陶瓷嘅《一拳超人》拳頭造型杯，重現咗一拳超人堅硬嘅拳頭，只要打開蓋，就可以用「拳頭」飲水，真係飲個水都型過人！

呢個《一拳超人》拳頭造型杯（One Punch Man: It’s A Knockout Saitama Fist Shaped Mug），容量約350ml，參考售價係25.99美元，今年2月就正式發售，有興趣嘅朋友可以上專出動漫精品嘅Merchoid官網度睇睇～