{ SKIP }
文:MenClub 波特先生  圖:互聯網
POSTED ON 17 Jan 2019

摩連奴離隊後,蘇斯克查上任,曼聯隨即迎來一波6連勝,球隊氣勢如虹,臨時領隊蘇B有望轉正,一眾原本低迷嘅球員復甦,不過仍有一些當年被摩帥重用嘅球員可能要被放棄,其中最大機會嘅將係費蘭尼,其次就係盧祖及達美安。

費蘭尼係2013年隨莫耶斯執教曼聯後加盟的,由於當時轉會費達到2700萬鎊,因此隨後嘅雲高爾及摩連奴都將佢撥入球隊常規陣容當中。不過,如今蘇B執教後,曼聯球風大幅度改變,球隊主張更有活力嘅打法,因此費蘭尼變得格格不入,佢已經變成眾多中場入面最後的選擇,更重要嘅係喺無佢嘅情況下曼聯已經6連勝。

而根據曼聯官方Telegraph消息,29歲嘅盧祖將可能會隨費蘭尼一同離隊。2014年加盟曼聯嘅佢,喺球隊當中嘅重要性一直不穩。隨住時間推移,而家盧祖甚至已經失去一隊嘅位置,甚至喺盃賽亦越來越少上陣。除此之外,盧祖嘅健康亦係佢最大嘅問題,佢過去兩季佢都無辦法有太多上陣機會,而近期亦因膝傷缺陣唔少比賽。

除左費蘭尼及盧祖之外,有傳已經陷入邊緣人嘅達美安亦係球隊清洗對象之一。上季達美安喺摩連奴手下已經只係得有17場上陣機會,其中聯賽只係上陣8次。而黎到今季目前為止,達美安就更加只係上陣5次,基本上球隊已經唔需要佢。

目前黎講,費蘭尼可以話係不愁無下家,其中包括AC米蘭、波圖及廣州恆大都有意簽下呢位前爆炸頭。而盧祖則可能回歸阿根廷,其中小保加有意簽下呢位明星球員。

另外值得一提嘅係,岩岩交出神級表現嘅門將迪基亞,已經向曼聯方面表達願意接受新合約,呢個絕對係一眾魔迷非常關注嘅事情。不過,曼聯要留住迪基亞亦都要有相應嘅付出,其中此前傳過佢要成為球隊當中第一高薪嘅球員,亦即係最起碼要達到與山齊士平起平坐嘅50萬磅週薪。如果曼聯真係為佢加薪至呢個高度,咁球隊嘅薪酬支出將會大幅增加了。

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024