《終末的後宮》（日語：終末のハーレム）係LINK原作，宵野小太郎作畫嘅日本漫畫作品，故事講述2040年，醫學高材生水原怜人罹患一種無法醫治嘅罕見疾病「細胞硬化症」，佢聽從醫生建議進入冷凍睡眠五年，以便到時解藥開發成功可以得到治療。點知呢五年間，被稱為「MK病毒」（Male Killer，男性殺手病毒）嘅病毒席捲全世界，導致全世界包括怜人在內只剩下五個男人生存。雖然怜人因為患上「細胞硬化症」而存活，仲產生咗抗體治癒咗「MK病毒」，而且「細胞硬化症」亦得以完全治癒，但甦醒後佢必須肩負同大量女性交配、讓人類得以延續嘅使命……

相信唔少巴打單睇個故事簡介已經覺得熱血沸騰，如果呢啲咁AV嘅情節可以更真實地呈現眼前，會唔會仲興奮啲添呢？日本「DMM pictures」近期就宣佈會推出首部VR作品《終末的後宮VR》（日語︰終末のハーレムVR），最近仲釋出首個PV動畫，預定2019年春季會登場！